දෙරණ ඇඩ්ස් නිරුවත් කිරීම - සත්‍යයේ සටහන බුද්ධියෙන් විමසුමට

By Sinhalen Help September 11, 2014

Share Tweet Share Pin Email

මේ කියන්න යන්නෙ දෙරණ  TV ගැනවත් දෙරණ  රේඩියෝ චැනල් එක ගැනවත් නෙවෙයි. ඊට කිසිදු හෝ සම්බන්ධතාවයක් නැති දෙරණ යන නාමය භාවිතා කරමින් කරගෙන යන තවත් පැනෝරා ඇඩ්වර්ටයිසින් වැනි මාෆියාවක් ගැනයි. මේ දවස් වල ෆේස්බුකියට ලොග් උනා නම් ඔය ගොල්ලන් අනිවාර්යෙන්ම මේ ගැන දකින්න ඇති. මෙහි විස්තර මගින් මසකට රු. 12 000ක් වැනි මුදලක් ඉපයිය හැකි බවත් තවත් සාමාජිකයින්  10 දෙනෙක් හදුන්වා දුන්නොත්   මසකට රු. 35 000ක් වැනි මුදලක් උපයා ගත හැකි බවත් කියයි.

පළමු තර්කය,
අද දවස් වල හැටියට රු. 35 000ක් කියන්නෙ ඉතාමත් හොද ආදායමක්. ඔබට එක ගිණුමක සියළු ඇඩ්ස් නැරබීමට යන්නේ පැය භාගයක කාලයක් බවත් ඔවුන් පවසයි. ඉතින් සාමාන්‍ය පරිගණක යන්‍ත්‍ර 10ක් ඔබේ නිවසේ ස්ථාපිත කිරීමට ඔබට වැය වන්නේ රු. 100 000 කට වඩා අඩු මුදලකි. පසුව පවුලේ සාමාජිකයින් 10 දෙනෙකුගේ විස්තර ඇතුලත් කර ඒ ගිණුම් 10ම පවත්වා ගෙන යාමට ඔබට වැය වන්නේ පැය 5ක් වැනි කාලයකි. එවිට එම ගිණුම් 10 හරහා හදුන්වා දීම් කිසිවක් නොමැතිව ඔබට රු. 120 000ක් (120 000 x10) උපයා ගත හැකිය. හදුන්වා දීම් (referral link) සමග තවත් රු. 23 000කට ආසන්න මුදලක් උපයා ගත හැකිය. ඉතින් අද කාලයේ වෛද්‍යවරයකුගේ, නීතීඥවරයකුගේ, කළමණාකාර වරයකුගේ සාමාන්‍ය මාසික ආදායම ඉක්මවා  ආදායමක් දිනකට පැය 5ක් පමණක් වැය කර ඔබට උපයා ගත හැකිය. ඉතින් ඔබ බුද්ධිමත්, මදක් සිතා බලන්න.

දෙවන තර්කය,
ඔබ මෙම දෙරණ ඇඩ් හි ඉන්වෙස්ට් කරන්න, ඇඩ් මිලදී ගන්න ගියොත් අඩුම පැකේජය සාමාජිකයින් 500කගේ ක්ලික් වලට ඩොලර් 30කි. එතකොට එක ඇඩ් එකකට ආදායම $ 0.06කි. 
      දැන් අපි ගෙවීම් පැත්තට හැරෙමු. ඔහුන් ඇඩ් නැරබීම සදහා ඔබට $ 0.05ක මුදලක් ගෙවනු ලබයි. එවිට ඔහුන්ට ලැබෙන ලාභය $ 0.01 කි. (0.06 - 0.05)  ඔබ ප්‍රීමියම් මෙම්බෂිප් ලබා ගත හොත් ඔබගේ එක ක්ලික් එකකට $ 0.06ක් ගෙවනු ලබයි. එවිට ආදායම හා වියදම සමාන වේ. ලාභයක් නොමැත. ඔබ කා යටතේ හෝ (referral link හරහා) රෙජිස්ටර් වී සිටී නම් $ 0.06ත් සමග ඔබ යටත් වන පුද්ගලයාට එනම් ඔබ දෙරණ ඇඩ් වෙත හදුන්වා දුන් පුද්ගලයාට ද $ 0.01ක් ගෙවනු ලබයි. එවිට එක ඇඩ් එකකට ඔවුනට මුළු වියදම $ 0.07කි. ( 0.06+ 0.01) ඔබ දන්නවා දෙරණ ඇඩ් යනු බිස්නස් එකකි. අලාභ ලබා ගෙන කවුද බිස්නස් කරන්නෙ. ඔබ බුද්ධිමත්, මදක් සිතා බලන්න.

තෙවන තර්කය,
ලංකාවේ ප්‍රධාන ෆෝරම් අඩවි කිහිපයකින් ම දෙරණ ඇඩ් මුදල් ගෙවනවා ද යන ප්‍රශ්නය අපි ඇහුවා. ඊට ලැබුණ පිළිතුරු ඔබට පහත ලින්ක් වලට ගිහින් බලන්න පුළුවන්. 

• http://tinyurl.com/jvorjms
• http://tinyurl.com/o3qevcs
• http://tinyurl.com/mud8epq

ප්‍රධාන කමෙන්ට් කිහිපයක් මෙලස උපුටා දක්වන්නම්. 

"මේකේ සල්ලි ගෙවන්නේ නෑ. මගෙත් එක payment එකක් තියෙනවා තාම pending. දවස් 18ක් විතර වෙනවා."

"for me also same. almost 2 weeks gone after requesting withdrawal. still no payment..."

"Oka boru karanne add 60 kuwata tiyenne add 30 $90 hoyana masa dekak daganna a one payout karanna be ita aduwen. 

Man oka Tikak karala nawattuwa eka hariyata wadak neme wage mata penne boruwak"


"ඇයි උබ හිතුවද මේක දෙරණ TV කට්ටියගේ වැඩක් කියලා ? මේක අර amason හොරු වගේ හොර වැඩක් , අනේ මන්ද උබලත් *ක ඉර ගෙන මේ බොරු ඇඩ්ස් click කරන ඒවා කරන්න හරි අසයි. මොකක්ද්ද බන්, පාරේ හිගන්නෙක් ඔයටවද හොයනවා පැයකට උබල ඔය මාසෙටම ad click කරල හොයනවට වඩා . මොකක් හරි සල්ලි හම්බවෙන ඉස්තිර දෙයක් කරපන්, ඔය තියෙන්නේ ෆ්රීලචෙර්, ODesk වගේ වැඩ. ඒවාට නිකන් බෑ මොකක් හරි skill එකක් (වෙබ් design ,Graphics Design ,Programming ....etc ) වගේ .කම්මැලි වෙලා හිටියොත් හිගකන්න තමයි වෙන්නේ."

ඔබට මතක ඇති අපි දෙරණ ඇඩ් පටන් ගත්ත දවස් වලම පැනෝරා ඇඩ්වර්ටයිසින් ආයතනය ගැන ලියන විට මේ ගැන කිව්වා. 
ඔබේ මුදල් හා වටිනා කාලය ආරක්ෂා කර ගන්න මෙවැනි වංචා කරුවන් මගහරින්න. දැනටමත් ඔබ මෙම වංචාවට අසු වී සිටී නම් මෙම පේජ් එකට ගොස් ඔබේ තොරතුරු සමග ප්‍රතිචාර එක් කරන්න. 
https://www.facebook.com/deranaadshoru
මෙය දැනටමත් මෙම වංචාවට හසු වු අය විසින් පවත්වාගෙන යන පේජ් එකකි. වැඩි ප්‍රතිවාර ඔවුන්ව නීතිය ඉදිරියට ගේන්න වැදගත් වේවි.

සැමදා ඔවදන
අන්තර්ජාලයෙන් මුදල් ඉපයිය හැක. ඒත් මුදල් මැවිය නොහැක. සාමාන්‍ය පරිසරයේ මෙන් මහන්සි වී, කැපවීමෙන්, තම දැනුම වැය කර මුදල් උපයන්නෝ කොතෙකුත් සිටිති. ෂෝට් කට් වලට අසුවීමෙන් තමන්ගේ වටිනා කාලයත්, මුදලුත් නැති නාස්ති කර ගන්න එපා.

සංවාදයට විවෘතයි.